بس بدي أسأل .. ليش الاهل دايما بحكو لولادهم .. نحنا اصحابكم و نحنا منسمعكم و واثقين فيكم و خلي الثقة هاي دايما و لا تتردد يا ماما تحكيلي شي .. و يا بابا يا حبيبي .. لا تخبي بقلبك
و لما بيحكي الولد او البنت او مين ما كان - اسمو صاير في كمان نوع هالأيام - بيحكي و بيفش قلبو و فعلا بيصاحب اهلو و بيصير ما في شي مخبى
و بلحظة غضب او لحظة و الله ما بعرف شو هي هاللحظة .. ببلشو يطخوا رصاص الشك ع الولد هالمسكين بدون مناسبة
لييييييش؟؟
يمكن بيحكي ... تغطية ع عمايل سودا؟ يمكن بيحكي الحقيقة ع شكل مزح؟ فش اشي لله
يمكن بيحكي ... تغطية ع عمايل سودا؟ يمكن بيحكي الحقيقة ع شكل مزح؟ فش اشي لله
ما همة بيعرفو كلللللللللللللل شي فيالله نشك ؟؟
انو ليش ليش ليش ؟
سواء بنتكم او ابنكم شارككم بهمو و برأيو و بفرحتو و زعلو كمان و حكالكم كل شي
و انتو اللي قلتولو .. ليش لازم يعني لا بد تورجوو انو تاخدش راحتك كتير؟؟؟
طيب شو النقطة ؟ شو الهدف ؟ ما بعرف
كتير بسمع هالقصص .. و كتير بشوف قصص .. بيصيرو الابناء خايفين يحكو عشان ما بعرفو الاهل هلا بمود الصحبة و لا مود المحاكمة؟؟؟؟
و ع فكرة .. نحنا يا اما منشد كتيييييير .. يا اما بنوصل لمرحلة حبيبي؟ جيب صاحبتك نشوفها و حياتي كيفو صاحبك نشالله منيح؟؟
و ع فكرة .. نحنا يا اما منشد كتيييييير .. يا اما بنوصل لمرحلة حبيبي؟ جيب صاحبتك نشوفها و حياتي كيفو صاحبك نشالله منيح؟؟
يا جماعة .. لما نحنا منحكي منكون هيك عم نزيد نسبة الثقة بيننا و بينكم تفاديا لأي لحظة من لحظات الشك هاي بنكون بحاجة رأيكم مش اي شي غير هيك
و لما تكونو مو رايقين .. نحنا منستوعب هالشي .. بس كمان استوعبونا و افهمو انو نحنا كمان منتدايق و مننجرح وقت بتطلع منكم كلمة لو مش بقصدكم بس لا بد انو منبعها .. مخزون سابق
طيب شو اللي بدكم ياه؟
شو اللي لازم نعملو ؟؟؟؟؟؟؟؟؟؟
الاهل عمرهم ما بيكونوا محايدين طالما بيهتموا بابنهم، والعواطف هي اللي بتخلي الشخص يكون غير موضوعي، نفس السبب اللي بيخلي الطبيب ما بيقدر يشخص او يعالج شخص بيهمه صح ، او المعالج النفسي ما بيقدر يعالج شخص قريب.
ReplyDeleteبيسموها بعلم النفس
Double Bind.
بس عالمدى الطويل هاد الاشي هو اللي بيخليهم افضل شخص بيقف جنب الشخص.
اكيد هوة ما في شخص بعد الاهل يكون طبيب و صديق
ReplyDeleteلكن في بعض الامور بشوف و بسمع من ناس
بيكون هالشي مو موجود
مشان هيك عم اطرح تساؤلي
و ليش بيلومو ع هالناس او الاولاد يعني ازا بلجؤا لشخص اخر ازا همة مو فاضينلو مثلا؟
هالشي قد لا اعانيه شخصيا لكن بسمعو يوميا من الناس
هاي بدها حكي كثير ، لكن مختصرها لان الانسان كائن جدا معقد ، ونفسية الانسان معقدة و تفكير الانسان معقد فبتنتج منه احوال و شخصيات لا نهائية.
ReplyDeleteالشخص في حرقته على ابنه ممكن يحس بالمسؤولية فبيغطي هذا الشعور بازاحة اللوم، الشخص ممكين ينصعق و ما يتحمل التوتر ، الشخص ممكن يكون فعلا يعتقد انه الخطأ كل الخطأ على الطرف الاخر ...الخ
كلام صحيح ..
ReplyDeleteجوات كل حد منا في شي معقد و شخص معقد كمان
الاهل بينحرقو على اولادهم صح و بيتدايقو اكيد و من كتر هالشي ممكن يطلع بشكل عكسي احيانا من كتر قهرو يمكن عليه
الخطأ ما بيسوى نحملو لطرف اكتر من طرف
بس فينا نقول انو منلوم ع الاهل احيانا اكتر من الاولاد
و نحنا بهالزمن كمان صرنا بحاجة لتفهم كتير اكبر مما كان عليه اهلنا قبل , بس كمان ما بننكر انو ضغوطات هالحياة كمان بتوجب علينا نتهم اهلينا كمان
بس انا ضد الشك بهيك حالة تماما
فيهم يتفششو يزعلو اي شي لكن الشك بيزعزع الراحة و الثقة حتى مهما كان لحظي
أنا مرة بالزمانات أبوي كان واضح إني مش بمود الأخد والعطي، فلمّا حكيت حكيت حكيت وما سمعت اللي بدي اياه سألته على لسان سعيد صالح : إنتو بتخلّفو ليه.. ما قضيتوهاش بوس ليه!! فرط ضحك وفات بمود الحكي
ReplyDeleteالموضوع واحد من اثنين
ReplyDeleteاما انه يكون شكل من اشكال محاولات الأهل للوصول للتربية الحديثة على طريقة المسلسلات.. بس ساعة الجد برجع العقل القديم
أو إنهم ماشيين على مبدأ الصياد و الشبكة.. الأهل يرموا الكلمتين على شكل طعم.. و اول ما الطعم يشبك و الأبناء يحاولوا يحكوا بصراحة كمااااااان برجع العقل القديم
Naser ..
ReplyDeleteme like this hehe ..
smart way :D who reads this must try it .. :D
ja3far ..
ReplyDeleteشكلو و الله اعلم العقل القديم رح يطق رح يطق
متى ما كان و شو ما كان
همة بنظري الاهل ما بيستعملو فكرة الطعم و هيك الا عن وجهة نظر ابيو و هيك
بس يمكن الابناء الجايين رح يحتاجو اساليب تانية
يمكن جعفر حكى كل اللي كنت بدي أحكيه
ReplyDeleteالموضوع شائك أكيد
و يمكن موروثاتنا العقيمة بتظهر على السطح لما نصير آباء/أمهات
بنجرب طرق شتى بس وقت "الجد" ما فيه إلا "كلمتي اللي حتمشي" كأسلوب
:(
شكرا ً فرح،