سوق على مهلك سوق .. بكرة الدنيا تروق

" أغنية المقدمة"  عمان أزمة .. وين الغمازات؟ حادث يهزك بلا غمازات .. و تكسي يوزك بلا غمازات .. و الله مانا شايف الغمازات .. حلو حلو .. غمازات ..شوب يا شوب بلا غمازات .. كلو بيسوق بلا غمازات .. بيزمر و بسب .. بلا غمازات .. و عمان فيها مشكلة غمازات .." .

كتير مرات بالاحاديث الشخصية مع الاصدقاء و بالحوارات مع اشخاص مختلفين بتنفتح

سيرة السواقة بالاردن .. و انو الناس كيف دايما معصبة و بتخانق .. و بيقللك يا عمي الواحد بيكون رايق و ما احلاه .. بس يسوق بصير كأنو واحد تاني .. ليش؟؟ 

هون بتضوي اللمبة الحمرا و بنعمل 

pause 

ع المشهد .. و علامة الدهشة و الاستغراب و الغضب مرسومة ع وجه صديقنا المستغرب 

و ببلش هون استعؤضلو مشهد في شوارع عمان .. ع أمل انو اجاوبو .. بصراحة انا مستغربة انو مستغرب 

لمّا بتكون ماشي على مسرب اليمين و الشارع مسربين متعاكسين يعني فش مهرب من هالمسار .. بيجي واحد فاهم مبدأ اليمين غلط .. و بيكزدر كزدرة .. كزدرة؟ لأ هو بيكون قرب يوقف .. و زمرلو .. ضويلو .. زيح اطلع انزل .. و لا هو هون .. عم يحكي تلفون أو عم يتحدث أو مو جاي ع بالو يرد عليك لأنو ببساطة ماشي ع اليمين!!  هاي رقم واحد 

رقم اثنين ، بتكون ع الاشارة الدنيا أزمة خانقة .. أو حتى مو شرط يكون ازمة .. بتبلش الاشارة .. أحمر .. أصفر .. أخ.. " تووووووووووووووووووووووووووووووووووووووووووووووت " .. " تييييييييت"  و هادة لسة الاشارة ما اخضرت و لا قلنا يا هادي 

بيكونو سبّوك و سبّو اللي عطاك الرخصة و تأخرو ع مواعيدهم .. و يا ابن الناس لسة ما لحقت تدعس بنزين  

و ثالثا .. بتكون ماشي بهالشارع و مكيف ع سيارتك الجديدة او خايف ع سيارتك القديمة تتكسر .. و ماشي و ما احلاك .. و بعد ما شفت كل اصناف المشاكل و الخناقات و الكلمات المنحدرة المستوى .. ما بتلاقي حالك الا 

طج

طع

طراخ 

-- -- -- -- -- 

معلش في حفريات و رقعوها مبدأيا فصفّى الشارع كلو حفر عميقة مرقعة ترقيع و هات اطلع من هالمشكلة بدون اي اضرار و بدون ما تصرخ سيارتك بميت طريق و طريق من كتر ما الشوارع ناعمة و السواقة لطيفة 

و بعد ما تطلع من هالمصيبة .. و بتمشي بهالشارع .. بينطلك تكسي قرر يقفز من اقصى اليمين لأقصى اليسار فجأة و على حين غرة 

و ممكن كمان مفاجأة لعيونك .. يقرر شي واحد لزيز برضو فاهم مبدأ اليمين غلط او ممكن اليسار .. الله اعلم .. يوقف فجأة !!!! يا سلام الله الله الله .. عنجد كل مشاعر الفرحة  رح تنهال عليك بمجرد ما تمشيلك نص ساعة بشوارع عمان  

عدا عن اللي بيعمل 

skating 

و اللي ع البسكليت و اللي و اللي و اللي .. كلها مفاجآت بس انت و حظك عاد قديش 

 بيصحلك بالمشوار الواحد

 و نرجع لصاحبنا المتفاجئ .. نعمل تشغيل مرة تانية للمشهد .شو رح يقول؟ شو لازم يكمل؟ 

" و الله يا عمي بدهاش ليش "

زلزال باليابان و لا تلجة بعمان

حالة طوارئ .. حالة طوارئ .. الرجاء من الجميع الاستعداد .. ففي نهاية الاسبوع المقبل .. موجة ثلجية قطبية ستغطي البلاد .. الرجاء من جميع اصحاب المخابز زيادة كميات الانتاج .. و الرجاء من اعزائنا المواطنين ان يمونوا منازلهم بأكبر كميات من المؤن الغذائية.. نرجو من اعزائنا المسؤولين ان يعلنوا تعليق دوام الجامعات و المدارس .. و الدوائر الحكومية و القطاعات الخاصة .. و نتمنى من مواطنينا الاعزاء .. ان يحتاطوا جيدا 

هذه هي حالنا حين نسمع بهبة هواء عاصفة ستهب على المملكة .. و هؤلاء هم نحن من يبدأ بالمبالغة في الاحتياط و في الحذر و نحن من يعمل من " الحبة قبة " كما يقول المثل السائد 

اما على صعيد اخر من العالم .. و في شق اخر من الكرة الارضية 

زلزال هز المنطقة .. زلزال مدمر حل ضيفا مفاجئا على اراضي اليابان .. و بحسب ما ورد في الانباء فإن قوته كانت 8.9 و مع ذلك رأيناهم في قاعات الاجتماعات .. و في اماكن عملهم .. كل في عمله .. و حين حل الزلزال و حدث ما حدث ... هرع الجميع ليمسك اجهزة الحاسوب .. و اوراق العمل ... و لم يفكر احدا بالهرب او الاختباء .. فالبلد اساسا مهيئا و محصنا ضد الزلازل من حيث الابنية و التجهيزات و البنى التحتية 

و على ما اعتقد ان مصاب اليابانين اكبر بكثير من حالة الاردن الجوية الباردة .. التي اعلنت من اجلها حالة طوارئ .. و التي عمت من اجلها فوضى في الجامعات و اماكن العمل .. حيث بات الجميع يتمنى ان تتعطل الاعمال و المصالح في اليوم المرتقب .. 

و انطلقت صافرات الانذار فورا قبل بدء العاصفة .. ليتهيأ الجميع 

المضحك فيما حصل ان " رشة " خفيفة من الثلوج  تساقطت ممزوجة مع الامطار ... في جو آذاري معتاد 

و لم تتحقق اي من اماني الشعب العامل و الكادح 

و للأسف باءت محاولات التملص من الوظاءئف و الاعمال بالفشل 

  فهنيئا لنا .. بما نصنع.. و هنيئا لليابانيين بما صنعوا  

من تلجة خف عقلكم و الله لو لا سمح الله شميتو ريحة زلزال و لا هزة خفيفة رح تموتو "قبل ما توصل.. 
ان كنتم لا زلتم تذكرون الطائرات التي اخترقت حاجز الصوت ... استرجعوا الصور في مخيلتكم كيف فزعتم .. و ستدركون حقيقة ما اقول